قوم يا ابني تقوم معك

لمّا بتطّل يا رب 

ما تردنا عنَّك

عم نمشي  بفرحة كبيرة صوبك

ولو بالقلب غصّة

الجوع كافر

بس مش كل البيجوعو بيكفرو

بس كلن بينوجعو

وما بتشوف عيونن النوم

يا رب انت بتعرف

شو بدنا بعد نخبرك

ساعدنا نعرف ونصدّق 

انّو مايدتك صارت جاهزة

وناطرتنا

زمن المجيء بيذكرنا انّا على موعد 

مع الخلاص

مع الفرح

مع السلام

اللي الله وحدو بيقدر يعطيهم

ولكن زمن المجيء زمن انطلاق كمان

قوم يا ابني تقوم معك

هيك كان يقولو جدودنا

كل ساعة والها ربّا

ما في شدّي بتدوم

طبعو حالن على الرجا

شد حالك وقوم لاقي، عم بيناديك

فتّش عن فرح الرب بتلاقي

وبس تلاقي ما تخلّي بس الك

لمّا بتطّل يا رب 

ما تردنا عنَّك

عم نمشي  بفرحة كبيرة صوبك

ولو بالقلب غصّة