الأسبوع الثالث
الصدق تجاه بعضنا البعض.
٢٦ آذار ٢٠١٩

الرذيلة المدَمِّرة

الكذب والخيانة،
ما بعرف إذا في
رذيلة مدمِّرة أكتر منهم،
بتفرِّق البشر
وبتكسر الشراكة.
الكذب والخيانة
بقطّعوا أوّل شي القلب،
ولمّا القلب بيتقطّع
بيفترقوا الإيدين،
ولمّا الإيدين تنفصل،
شو بيضل فينا نعمل،
شو بيضل فينا نبني؟
... See MoreSee Less

الأسبوع الثالث
الصدق تجاه بعضنا البعض.
٢٥ آذار ٢٠١٩

الجو السليم

الكذب؟ ولا ممكن!
هيدا الشعار بمكتبي.
مثلاً: مش مضطر الموظف يخترع خبرية،
إذا كان حدى من الموظفين
ما بدّو يرد على التيليفون.
جواب التإردف:
"مادام جريديني هلأ مش بالمكتب."
الجواب الصريح:
"مادام جريديني مش قادرة
تهتم بالملف هلأ."
المصداقيّة بتبلِّش
بالأمور الصغيرة.
عدم إجبار الناس اللي بشتغل معهم
على الكذب، بريحهم.
ساعتها الكل بيحس
إنّو الجو ما في غش.

Bild: ABC - Arbeit (Alpha-Omega), Hanne Darboven, 2007
... See MoreSee Less

الأسبوع الثالث
الصدق تجاه بعضنا البعض.
٢٤ آذار ٢٠١٩

كون متل ما إِنتْ

بيناتنا،
كون على حقيقتك مع كل الناس.
الحياة كذبة
إذا ما كنت متل ما إنت.
شو اللي بيمنعك؟
حكي الناس؟
ما بالكذب بتوقدو.
كون إنت
وهنّي رح يفهموا
إذا بتوقّف تبرّرلن.
رح يفهمو،
بينن وبين حالن،
رح يفهمو.
كل واحد
على قد ما بيقدر.
وشو ما عملت
ما رح تقدر تزيد شبر
على قدرة فهمهم.
شو اللي بيمنعك؟
مصلحتك؟
شو بيبقا منها
إذا غلّفت حالك
بقالب مزيّف،
ولك حتى إنت
ما بتعود تعرف حالك في.
شو اللي بيمنعك؟
الله؟
بيقبل معك تروح وتبعد،
وبيبقى ناطرك تترجع.
كون على حقيقتك وإلاّ بتِدْبَل.
... See MoreSee Less

Adyan ist eine interreligiöse Gebetsbewegung in Libanon, die die Koexistenz und das Diversitätsmanagement zwischen Individuen und Gemeinschaften auf sozialer, politischer, pädagogischer und spiritueller Ebene fördert. Adyan sieht eine Welt vor, in der die Vielfalt als Bereicherung gelebt (und empfunden) wird, um gegenseitiges Verständnis, integrative Bürgerschaft, kreative Entwicklung, nachhaltigen Frieden und spirituelle Solidarität zu schaffen. Mehr darüber erzählt der maronitische Pater Gaby im Rahmen eines Qadishat-Gottesdienstes.
Am 07.04. um 11.00 Uhr in St. Wendel
... See MoreSee Less

الأسبوع الثالث
الصدق تجاه بعضنا البعض.
٢٣ آذار ٢٠١٩

كذب مغلَّف ببوسي

إمرأة بتكتب لزوجها وبتعبِّر بصدق:
"لمّا يبرد الحب،
خليني أعرف بصراحة.
ما في لزوم لكذب مغلّف ببوسي،
ما في لزوم لحلفان،
ما في لزوم لتشيك بلا رصيد:
إخلاص إلى الأبد!
لمّا الإعجاب
ياخد القلب لمحل تاني،
ما في لزوم نتظاهر
إنّا بعدنا مرتبطين.
لمّا يجف الحب
وقلبي يصير شظايا،
ما في لزوم للسؤال:
كيف الحال؟
ما في لزوم للبكي...
بقدر موت عالهدى.“

اللي جمعو الله قدّيش عم دمرو بكذبي،
ولو عايشين تحت سقف واحد؟

Bild: Landscape with couple walking and crescent moon, Van Gogh Vincent
... See MoreSee Less